Како што објавивме, синоќешниот исход од ескапалцијата на судирите во центарот  на главниот град е 13 привидени лица.

Меѓу нив има и студенти , а од Студентскиот пленум побараа нивните колеги и другари, од кои на социјалните мрежи кружат фотографии дека се меѓу приведените да бидат ослободени.

Студентскиот пленум посочува дека тие се насилно и брутално приведени од страна на полицијата.

„Ова се луѓе кои со своето знаење, доблест и храброст се истакнале во борбата за поправедно општество. Непредизвиканиот насилен однос од полицијата и третманот како хулигани нè убедува уште посилно и погласно да бараме правда во нашата држава!

Бараме истите итно и безусловно да бидат пуштени, а виновните за пречекорувањето на полициските овластувања да бидат соодветно санкционирани“, стои во пораката на Студентскиот пленум!