Студентските протести против екстерното тестирање завршија, но никој не се сретна со јив за да ги слушне нивните барања. Иако својот револт го изразија пред Владата и пред Министерството за образование, нивните претставници не ги прими министерот Абдилаќим Адеми. Двајца студенти до министерството доставија писмо каде ги образложуваат своите барања зошто екстерното тестирање на факултетите е лош проект. „Инсистираме на средба со министерот. Имено и во самото писмо кое му го пишавме на министерот бараме средба со него за да разговараме за проблемите“, рекоа студентите. Со својот марш студентите побараа и оставка од Адеми. (ВИДЕО-ФОТО) Студентите со марш му кажаа „НЕ“ на екстерното тестирање! Поддршка не добија ниту од лидерот на студенската организација на Универзитетот Св. Кирил и Методиј. Според претседателот на Студентскиот парламент на Универзитетот Св. Кирил и Методиј, Кирил Спировски оваа организација нема да се приклучи кон протестите додека не го види конечниот предлог за екстерното тестирање од Министерството за образование, затоа што верува дека сега не е време за протести. „Не сме против начинот на кои студентите сакаат да го изразат своето мислење, но сметаме дека излегувањето на улица во моментов не е решение и треба да е последно нешто“, вели Спировски за порталот Академик. Меѓу студентите на денешните протести се симнаа и само неколкумина од нивните професори.