Со свеќи во рацете и поставени некролози вечерва студентите излегоа пред Законодавниот дом на РМ како што велат да го „погребат“ образованието.

Тие го нагласија ставот дека нивната борба нема да запре.

„Универзитетот е на студентите, постои и се развива ради нив. Штотуку донесовте закон кој го не само што ја погребува автономијата и самите универзитети туку и идејата дека студентите се дел од ова општество. Ние сме иднината на Македонија, а вие денес ни го уништивте патот по кој ние треба да се издигнеме како граѓани“ порачуваат студентите.

„Нема да ви дозволиме и не се откажуваме.Ја докажавме нашата чиста цел и одново ќе ја чуете, зашто СТУДЕНТИТЕ не стивнуваат“, велат тие.

„Чувствуваме граѓанска одговорност да ја заштитиме слободната мисла. Авторитетите не смеат да бидат апсолутни, и затоа:

Ќе бојкотираме, ќе блокираме, ќе окупираме!“, истакнуваат од студентскиот пленум! Имено владеачкото мнозинство на денешната пленарна седница на Собранието на Република Македонија со 67 гласови „ЗА“ и девет гласови „ПРОТИВ“ ги изгласа измените на Законот за високо образование и даде зелено светло за воведување на најавениот државен испит за студентите.     (Фото.Бриф.мк)