На пет македонски судии Македонија ќе треба да им плати отштета од 4 000 евра, пресуди денеска Европскиот суд за човекови права во Стразбур.

Станува збор за судиите Снежана Геровска Попчевска, Гоце Јаксовски, Мирослав Трифуновски, Иво Поповски и Виолета Дума.

Сите тие, пред судот во Стразбур се пожалиле дека за нивното разрешување од Судскиот Совет немало фер сослушување, им биле прекршени основните човекови права и имало влијание на извршната врз судската власт.

Во образложението од Судот се вели дека во случајот со разрешувањето на судиите имало мешање на надлежности на тогашниот министер за правда Михајло Маневски кој е и подносител на барањето за разрешување.