Најпознатиот балкански џихадист Лавдрим Муджахери кого американските власти го ставаат на листата на најбараните терористи пред три недели се врати од Сирија и се крие на Балканот, пишуваат медиумите.

Една од претпоставките е дека тој се крие во Скопје. Оваа информација беше објавена од медиумите во Косово, според кои седум косовски исламисти се кријат во Македонија. Од МВР изјавиле дека ги проверуваат информациите.

Засега нема ниту потврда, ниту демант на тврдењата. Според весникот „Коха диторе“, Муджахери и уште шестмина борци на „Исламска држава“ избегале од Сирија по нападите на Русија.

Муджахери стана познат откако на профил на Фејсбук објави фотографии на кои се гледа дека пресекол главата на дете во Сирија.