Минималната плата во Србија од 1 јануари 2026 година ќе изнесува 551 евро.

Љубодраг Савиќ, професор на Економскиот факултет во Белград, смета дека владата добро ги избалансирала финансиите за да остави простор за најавените зголемувања на платите во јавниот сектор.

„Сепак, морам да кажам дека целта на секоја производствена и економска активност е да се зголеми животниот стандард на граѓаните, односно платите на вработените. Бесмислено е да се инвестира, да се привлечат нови инвестиции, да се градат нови фабрики, без граѓаните да бидат наградени за сето ова, нивниот животен стандард секогаш да остане ист или да се зголеми само малку“, истакнува Савиќ.

Сепак, многу странски компании ја напуштаат Србија токму поради зголемувањето на платите, особено на минималната плата.

„Во оваа смисла, ми се чини крајно вознемирувачки, да не кажам, тажно што некои компании си заминуваат, а има и такви што дури и најавуваат заминување од Србија само затоа што е зголемена минималната плата“, кажа професорот. 

Вели дека ова е спротивно на она што треба да го прават, и затоа Србија треба да се грижи рамномерно да ги распредели стапките на раст, односно растот на БДП, на потрошувачката и сè друго, пренесува Политика.

foto printskrin youtube