Стотина граѓани утрото го дочекаа пред зградата на Уставниот суд. Уставниот суд  денеска на седница ќе решава за иницијативата за измени на неколку членови на Законот за помилување. Судот одлучи оваа седница да не биде отворена за јавноста, иако според законот седниците на судот се јавни и отворени. Иницијативата за измени во Законот за помилување која уставните судии ја прифатија со мнозинство од гласовите на судиите, поттикна бурни реакции, протести, а синоќа кај Уставен суд се одржаа два протеста. Едниот организиран од граѓанската платформа Ајде, со поддршка на СДСМ, при што демонстрантите дојдоа само до зградата на МНТ. Од друга страна активисти на партијата ГРОМ, со поддршка на ВМРО-ДПМНЕ организираа контрапротест за одбрана на институциите.