Министерот за финансии Зоран Ставревски, денеска не сакаше да коментира за автентичноста на аудио снимките што ги објави лидерот на опозицијата Зоран Заев, пишува Фокус. ,, Не би сакал и не би можел да коментирам за автентичноста  или за било кој друг аспект за снимки кои се стекнати, креирани и со кои се располага на незаконски начин. И очекувам преку правна завршница институциите да ги разгледаат сите околности и тогаш ќе бидат познати сите факти." – рече Ставревски. Според опозицијата, во објавените снимки од телефонски разговори е дел и министерот Ставрески кој разговара со министерката за внатрешни работи Гордана Јанкуловска за отфрлување на кривична пријава против него од страна на обвинителството.