Откако вчера се прошири информацијата дека Термоцентралата Рек Битола е надвор од употреба и дека истата добива струја од хидроелектраните кои работат со полн капацитет и од интервентен увоз на струја, денеска термоцентралата е ставена во функција.
Доцна синоќа е вклучен во електро - енергетскиот систем еден од блоковите, додека вториот се очекува да биде во функција во текот на денешниот ден – информираат од државните електрани ЕЛЕМ, пренесува 24вести.
Третиот блок ќе се вклучи доколку има потреба. Вчера најголемиот произведувач на струја РЕК Битола беше надвор од употреба кога два блока беа исклучени од системот поради технички отстапувања, а третиот не функционираше поради модернизација на котел.
