„Можеби сите оние кои беа вклучени во преговроите  се задоволни, меѓутоа  мислам дека јавноста не е многу среќна со кадровското решение. Разговарав  со  10 тина  респектирани правници. Сите беа  изненадени  од изборот на личноста  која ќе  ги истражува  случаите  „Прислушување“ и „Пуч“ . Зачудени  се што  на анонимен обвинител  му се доверува да води   вакви исклучително  тешки предмети.  Далеку е од она што  се најавуваше дека ќе биде личност со интегритет и дигнитет, еминентен правник  со големо искуство зад себе. Верувајте дека три месеци поминав во подготовки  на моја кандидатура за позицијата специјален јавен обвинител.  Добро размислив за сите згоди и  незгоди притисоци и можни опструкциии. Мислам дека Јанева не е личност која што околу себе ќе собере  тим. Мислам дека  таа не е подготвена да ја стави главата во торба. Сметам дека и тимот од обвинители  како што е и случајот со изборот на специјалниот јавен обвинител ќе биде наметнат и дека целата работа ќе се сведе на тоа неколку ситни риби да бидат жртвени јагниња. Ќе бидат потрошени  само пари  без да биде постигната целта   заради што и се избира специјалниот јавен обвинител. Ова не е специјален обвинител кој што ќе се бори криминалниот октопод , со изворот на криминал и корупција“ вели Калајџиев за Фактор. Р.Ф