Просечната месечна исплатена нето-плата по вработен, во септември 2022 година, изнесувала 32.553 денари.  Бруто-плата била 48.744 денари. Kaко што објави Државниот завод за статистика (ДЗС), индексот на просечната месечна исплатена нето-плата по вработен во септември 2022 година, во однос на септември 2021 година, изнесува 112.8.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (19.1 отсто), Објекти за сместување и сервисни дејности со храна (18.8 отсто) и Преработувачка индустрија (17.9 отсто). Зголемување на просечната месечна исплатена нето-плата по вработен, во однос на претходниот месец, е забележано во секторите: Образование (10.0 отсто), Административни и помошни услужни дејности (4.0 отсто) и Преработувачка индустрија (3.7 отсто).

Во новата година ќе порасне минималецот во Македонија. 

foto freepik.com