Просечната нето плата во април изнесувала 45.452 денари. 

Според најновите податоци од Државниот завод за статистика(ДЗС), ова е пораст од 10,6 проценти во споредба со април лани. 

Ова покачување главно е резултат на зголемувањето на просечните месечни нето-плати во неколку сектори. Најзначајни сектори со пораст на платите се: “Дејности на здравствена и социјална заштита” со 14,7 проценти, “Образование” со 14,4 проценти и “Административни и помошни услужни дејности” со 13 проценти.

Во споредба со претходниот месец, зголемување на просечната месечна исплатена нето-плата е регистрирано во “Информации и комуникации” со 4,2 проценти, “Административни и помошни услужни дејности” со 3,9 проценти и “Дејности на здравствена и социјална заштита” со 3,8 проценти.

Просечната месечна исплатена бруто-плата по работник во април 2025 година била 68.294 денари.

Слободан Трендафилов од ССМ минатиот месец кажа дека нашите работници во странство се попродуктивни затоа што се поплатени.