Стапката на невработеност во октомври достигна нов рекорд во Италија, со повеќе од 13 одсто активно население без работа.

Ова е највисоката стапка на невработеност регистрирана од следењето на месечните (2004) и тримесечните (1977) статистики.

Во пораст е за 0,3 одсто во однос на септември, и 1 одсто во периодот од година дена. Оваа стапка исто така е и благо повисока во однос на економските предвидувања (12,9 во однсо на 12,5 одсто.)

Бројот на лица во потрага по работа во Италија достигна 3,41 милиони во октомври, што е пораст за 2,7 одсто месечно и речиси 10 одсто во периодот од година дена.

Стапката на невработеност меѓу младите од 24 години, меѓу највисоките во Европа, достигна 43,3 одсто и е во пораст за 0,6 одсто во однос на септември и 2 одсто за цела година.

Според Евростат, Италија е земјата во ЕУ во која стапката на невработеност во октомври најмногу пораснала.