Новинари на Косово почнаа штрајк со глад. 

Членовите на Самостојниот синдикат на Јавното претпријатие „Мрежа Мост – ТВ Мост“ во Косовска Митровица и на „РТВ Грачаница“ утринава започнаа штрајк со глад поради ниските плати и бараат и тие да добијат таканаречен косовски додаток, објави Здружението на новинари на Србија (ЗНС). Нето платата на повеќето работници е меѓу 40.000 и 45.000 динари и не е зголемена во последните години и покрај инфлацијата.

„Нашите новинари имаат право на косовски додаток исто како и професорите, лекарите и другите работници кои го добиваат. Ние само сакаме да си ја работиме работата, да останеме да живееме на Косово и Метохија со нашите семејства, но и да ги имаме истите права и услови како и работниците во другите фирми“, стои во соопштението.

Претседателот на синдикатот Дејан Јевтиќ изјавил дека 22 вработени штрајкуваат барајќи зголемување на платата и косовски додаток, јави Бета. Односите меѓу Србија и Косово се тензични во последно време.