Најтиражниот весник во Србија на првата страница објавува водечка вест, за која тврди дека владата на премиерот Александар Вучиќ официјално му го врти грбот на рускиот претседател Владимир Путин.

Статијата е насловена - „Збогум, другар Путин!“ и е илустрирана со слика на Вучиќ и рускиот претседател. Според изданието „Србија направила пресврт во енергетската политика и се обратила кон САД во овој сектор“. На овој начин, властите во Белград за прв пат се одлучиле повеќе да не бидат зависни во енергетски однос од Русија, пишува уште весникот и прецизира дека „Александар Вучиќ го прифатил повикот на САД да се приклучи на гасоводот доаѓал од Азербејџан“.

Белградскиот весник објави и краток коментар на „руски официјални лица кои тврдат дека Србија нема алтернатива и во иднина ќе купува руски гас“.

Во денешниот број на весникот е објавено и истражување во кое се тврди дека 65 отсто од граѓаните на земјата ја определуваат Русија како најдобар партнер на Србија.