Дали Горан Михајловски главниот и одговорен уредник на Вест ќе продолжи да го уредува најтиражниот дневен весник? Според информациите до кои дојде Фактор, во редакцијата на Вест, вчера стасало известување дека Горан Михајловски нема да биде главен и одговорен уредник од 01 јануари. Директорот На МПМ Срѓан Керим за Фактор вели дека тоа не е вистина. „Вистина е само дека му истекува договорот на 31.12.2015“. На прашањето дали по овој датум ке остане на истата позиција Керим одговори - „кога ќе има одлука од УО таа ќе биде јавно соопштена“. Михајловски за Фактор потврди дека заминува од Вест, по истекот на договорот, но не открива што понатаму. Тој пред 15 години занина од Вечер со свој екипа, создавајки го весникот Вест. Препознатлив беше по својата саботна колумна „Сакам да кажам“.