Средношколец со пиштол се заканувал во училишен двор
Петнаесетгодишно момче во основното училиште во тетовското село Пирок, по расправијата со соучениците извадил пиштол и почнал да им се заканува.
Според полицијата, осомничениот малолетник почнал расправија со тројца ученици во училишниот двор. Откако кавгата завршила тие влегле во училиштето, а тој влегол по нив.
Потоа извадил пиштол од појасот, го репетирал и го вперил кон тројцата ученици и почнал да се заканува дека ќе пука.
За среќа инцидентот поминал без повредени, а бил утврдено дека станува збор за гасен пиштол, кој не бил наполнет.
По целосно расчистување на случајот против момчето ќе биде поднесена соодветна пријава.
Слично
Поврзани вести
