Србија од денес чекор поблиску до Европа, иако се чини вистинските потези на српскиот пат кон ЕУ допрва доаѓаат. Европскиот комесар за проширување Штефан Филе и го честиташе на Србија денешното стапување во сила на Спогодбата за стабилизација и асоцијација (ССА) и нагласи дека Србија од 1 септември ќе биде „чекор поблизу до ЕУ“. Тој оцени дека ССА ќе и овозможи на Србија да ги достигне европските стандарди во различни области, што претставува камен-темелник на нејзиниот пат кон ЕУ. Филе наведе дека во 11 месеци од примената на Преодната трговска спогодба, извозот на Србија во земјите на ЕУ е зголемен за 4,8 отсто, додека суфицитот во трговијата со земјоделски производи со ЕУ од 2009 година пораснал за два ипол пати, и сега изнесува 500 милиони евра. ССА меѓу Србија и ЕУ стапува во сила на 1 септември, откако на 24 јули Унијата ја извести Србија дека е завршена постапката на ратификација на Спогодбата во земјите членки. Македонија оваа спогодба ја потпиша далечната 2001 година, но оттогаш наваму македонските чекори кон Европа беа бавни, па земјава се уште е само земја кандидат, статус кој го има од 2005 та.