Белград се потресе од зборовите на турскиот претседател, Реџеп Таип Ердоган дека ќе ги пушти бегалците

Србија итно ќе гради ограда долж границата со Бугарија и Македонија против бегалците, пренесуваат српските медиуми.

Белградското електронско издание „021.rs" го цитира претседателот на Српската народна партија, Ненад Поповиќ, кој ја повика владата веднаш да изгради ограда долж границата со Македонија, за да се заштити земјата од приливот на илегални мигранти.

Според „РТС" (Радио-телевизија Србија) ограда треба да биде изградена на границите со Бугарија, Хрватска и Македонија. 

Стравувањата на Србија од бегалска бран се тема и за лондонскиот „Еxpress", според кој министерот за труд и социјална политика на Србија, Александар Вулин, изјави дека „со оглед на лошиот договор меѓу ЕУ и Турција, контролата на границата со Бугарија ќе биде значително подобрена. "