Истражувањето на Националната асоцијација на потрошувачи на Србија, покажало дека примероците од три компании – Дуге Фруит, Таково од Горњи Милановац и Вино Жупа од Александровац, не содржат доволно овошје во нив, како што е наведено на декларацијата. Компанијата од Александровац веќе ја повлекла од пазарот „спорната серија“ на сокови, додека компанијата Дуге Фруит одлучиле да ги повлечат сите сокови од нивните марки, но и да ги раскинат договорите со добавувачите. Објавувањето на истражувањето за неиправноста на производите е само прв чекор, но вториот, казната, никогаш не се применува, пишуваат српските медиуми.