Србија и Железницата мора да им платат по 43.000 на семејствата на жртвите кои загинаа при уривањето на настрешницата во Нови Сад лани на 1 ноември. 

Четири семејства ги тужеа двете државни институции, кои, според пресудата на судот, се должни да им исплатат на секое од нив вкупно 43.000 евра надомест за нематеријална штета за претрпената душевна болка како резултат на смртта на блиско лице. Според истата пресуда, обвинетите мора да им ги надоместат на тужителите трошоците за судската постапка со законска затезна камата, објавија градските медиуми, додавајќи дека е одобрена жалба против пресудата до Апелациониот суд во Нови Сад.

Во несреќата 16 луѓе загинаа, а едно беше тешко повредено. Ова беше причина за масовни антивладини студентски и граѓански протести, блокади на патишта и институции, со барање за казнување на одговорните во српската влада за оваа голема трагедија.

На 30 декември 2024 година, Вишото јавно обвинителство во Нови Сад поднесе обвинение против 13 лица, меѓу кои и поранешниот министер за транспорт Горан Весиќ и поранешната директорка на Српската железничка инфраструктура Јелена Танасковиќ, но Вишиот суд го врати предметот на дополнителна истрага.

Сите осомничени се ослободени од притвор, а независните истражители наведуваат дека, и покрај фактот дека досега се објавени 22.000 документи во врска со реконструкцијата на Железничката станица во Нови Сад, клучните предмети, како што се градежните логови, сè уште недостасуваат, спротивно на она што го тврди владата, пренесе Индекс.