Во првите пет месеци од оваа година, Србија беше меѓу десетте земји што купија најмногу злато за резервни цели, според новите податоци од Светскиот совет за злато.

Купени се 1,7 тони злато и со тоа Србија се најде меѓу првите 10 на светската листа. Интересно е и тоа што меѓу 163 земји, Србија е единствената земја што ексклузивно купува злато од 2011 година.

Брокерот Бранислав Јоргиќ наведува дека резервите на Народната банка на Србија изнесуваат околу 29 милијарди евра, а во тие рамки има околу 50 тони злато, што е околу 4,3 милијарди.

„Резервите се практично на маргините, тие не влијаат директно толку многу врз економијата, но би можеле да имаат индиректен ефект во смисла дека Народната банка на Србија има право на првенствено одбивање да купи злато кое се ископува и преработува во Бор“, објасни Јоргиќ.

На прашањето зошто земјите чуваат девизни резерви во злато, Јоргиќ истакнува дека Србија моментално е во политичка и економска нестабилност и дека златото се купува во такви ситуации за да се добие одредена стабилност и безбедност во структурата на девизните резерви, пренесува РТС.

Инвеститорите во светот купуваат и сребро и затоа неговата цена расте. Вака висока цена среброто немало скоро 14 години. 

foto freepik.com