Србија од вчера е целосно завеана во снег, поради што во некои општини веќе е прогласена вонредна состојба. Наштешка е ситуацијата во Чачак, Ивањица, а хаос е и во главниот град, Белград.

Центрите за кризни состојби информираат за обилни снежни врнежи кои блокираа патишта, уриваа дрвја, и предизвика дефекти на високонапонските и нисконапонските електроенергетски мрежи.

-Со цел нормализирање на снабдувањето со електрична енергија и нормализирање на сообраќајот во државата итно се дадени насоки за спроведување на оперативните мерки за заштита и спасување.

Во пониските делови на Ивањица снежната покривка е триесет сантиметри, додека во селата и до еден метар Над 3.400 домаќинства се без струја.

Снегот кој непрекинато паѓа од вчера изутрина предизвика колапс и во Белград, патиштата се завеани, автомобилите стојат во колони, сообраќајот се одвива отежнато.