Мандатарот за состав на новата влада Никола Груевски го достави предложениот владин состав и програмата за работа на владата до Собранието.

Седницата на Собранието, на која се очекува да биде избрана новата Влада, ќе се одржи на 19 јуни. Собранискиот спикер Трајко Вељаноски за седницата уште еднаш ја повика опозицијата да се врати во законодавниот дом и да „ги земе предвид интересите на Република Македонија“.

„Сигурната европска и евроатлантска иднина на Македонија е наша заедничка цел, обврска и предизвик, а токму Парламентот е местото каде тоа можеме со здружени сили најдобро да го направиме. Јасно изразената волја на граѓаните на последните избори, освен што го одреди победникот, истата беше одраз на силната демократска свест на сите наши граѓани, партиите, независно од бројот на освоените мандати, да делуваат единствено во демократските институции, чиј врв е Собранието на државата“, соопшти Вељаноски.

Новата Влада, што ја предлага Груевски, го има следниот состав:

Зоран Ставрески – потпретседател на Влада и министер за финансии,

Владимир Пешевски – потпретседател на Влада,

Муса Џафери – потпретседател на Влада,

Фатмир Бесими – Потпретседател на влада

Гордана Јанкуловска – министер за внатрешни работи,

Никола Попоски – министер за надворешни работи,

Зоран Јолевски - министер за одбрана

Аднан Јашари – министер за правда,

Беким Незири – министер за економија,

Никола Тодоров – министер за здравство,

Диме Спасов – министер за труд и социјална политика,

Абдилаќим Адеми – министер за образование,

Михаил Цветков – министер за земјоделство шумарство и водостопанство,

Иво Ивановски – министер за информатичко општество и администрација,

Миле Јанакиески – министер за транспорт и врски,

Елизабета Канческа – Милевска – министер за култура,

Лирим Шабани – министер за локална самоуправа,

Нурхан Изеири – министер за екологија,

Веле Самак – министер без ресор,

Бил Павлески- министер без ресор,

Џери Наумов – министер без ресор,

Горан Мицковски – министер без ресор,

Висар Фида – министер без ресор,

Неждет Мустафа – министер без ресор,

Фурхан Чако – министер без ресор

Како најголемо изненадување е предлагањето на досегашниот преговарач за името Јолевски за прв човек на ресорот одбрана. Доколку биде потврдена од Собранието, новата Влада ќе има два члена повеќе од досегашната, и тоа плус двајца министри без ресор, додека останатите ресори остануваат непроменети.