Грчки политичари планираат да побараат од Русија економска помош во својата официјална посета на Москва, соопшти германското списание „Spiegel“.

„Грција очајно се бори против банкрот. Поради тоа што преговорите со спонзорите се запрени, Атина сега бара поддршка од Русија. Во Брисел и Берлин ги набљудуваат обидите за зближување со недоверба“- пишува весникот.

Според податоците на „Spiegel“, владата на Алексис Ципрас ќе се помоли за намалување на цената на природниот гас и за одземање на руското ембарго за некои грчки производи, главно на свежо овошје.

Се очекува министерот за енергија, Панајотис Лафазанис да ја обелодени оваа молба за време на посетата на Москва на 30-31 март.

Лафазанис им објаснил на „Spiegel“ колку важна за неговата земја е оваа посета. „Ние сакаме да ги продлабочиме нашите односи со Русија во областа на енергетиката и се надеваме дека ќе го добиеме од тоа значителна корист“ - изјавил тој.

ЕУ е загрижена од фактот дека многумина од претставниците на грчката влада се чувствуваат се „поблиску до Москва, отколку до Брисел“, забележува „Spiegel“. Вознемиреноста е поврзана со претпоставката дека Владимир Путин може да го зголеми своето влијание во Југоисточна Европа.

Брисел веќе го обjaви одбивањето на Грција да и обезбеди кредит од 1,2 милијарди евра. Непосредно пред заминувањето за Москва министерот Лафазанис даде интервју во кое ЕУ ја нарече „безсвестен империалист“, кој се стреми да ја задуши Грција.

Грчкиот премиер Алексис Ципрас има намера да ја посети Москва на 8 април. Тогаш Ципрас планира да се сретне со Путин.