На специјалните единици на косовската полиција наводно им е наредено да го зголемат бројот на припадници на северот на Косово, пишува „Албенијан пост“.

Порталот, повикувајќи се на неофицијални извори, наведува дека специјалните единици мора да бидат подготвени за евентуално заминување на север, а доколку тоа биде одлуката, тоа ќе го сторат од базата „Белведере“ лоцирана во јужна Косовска Митровица.

Сето ова се случува додека трилатералната средба меѓу српскиот претседател Александар Вучиќ, косовскиот премиер Аљбин Кури и дипломатот на ЕУ, шефот на дипломатијата Џузепе Борељ и пратеникот за дијалог Белград-Приштина, Мирослав Лајчак, трае речиси четири часа без прекин.

„Албенијан пост“ наведува дека специјалните единици на северот на Косово до сега ротирале, но сега би можеле целосно да се преместат.

Исто така, повикувајќи се на свои извори, порталот наведува дека наводно било забележано приближување на српската жандармерија кон административната линија.