Наменски поштенски марки за наградната игра „Фискална во рака – награда без мака“ ќе бидат пуштени во оптек од денеска. Марките се специјални, исклучиво за оваа наградна и се со симболична цена. Поштенските марки кои треба да го намалат трошокот за испраќање на ковертите ќе ги промовираат генералниот директор на АД „Македонска пошта“ Рафис Алити и министерот за финансии Зоран Ставрески. Интересот на граѓаните за наградната игра организирана од Министерството за финансии е голем. Само за првото извлекување на адреса на Државната лотарија пристигнаа над половина милион коверти. Наградата започна на први декември. Извлекувањето ќе биде во девет кола. Главни награди се стан и дуќан во Скопје, а секои 45 дена ќе се доделуваат автомобил и вредносни ваучери за лаптопи, велосипеди, смарт телефони и ЛЦД телевизори.