СОНК ќе побара промена на законот, повеќе да не се плаќа за радиодифузна такса, незадоволен од начинот на кој МРТВ информира за протестот на СОНК и штрајкот со глад. Членовите на СОНК пред неколку дена се приклучија на штрајкот на професорите, а за на 1 ви август најавија протест пред министерството за образование. СОНК ја разгледува можноста и за генерален штрајк во образованието со почеток од 1 септември. Во соопштението на СОНК се акцентира начинот на кој медиумите известуваат за штрајкот: „СОНК ја користи оваа прилика да им изрази јавна благодарност на средствата за јавно информирање кои објективно и редовно информираат за сите значајни активности на нашиот Синдикат, особено во последниов период  и го искажува цврстото убедување дека најголемиот дел од јавноста во Р.М. тоа исклучително го вреднува. За средствата за јавно информирање кои ги игнорираат активностите и случувањата кои се од битен интерес и од значење и за државата, СОНК најблаго кажано, изразува жалење за таквото однесување, особено за медиумите кои се финансираат од законската обврска за плаќање на радио – дифузна такса, како и од дотации од Буџетот на Република Македонија, што значи од даночните обврзници на државата. СОНК пред Собранието на Република Македонија и Агенцијата за медиуми ќе покрене постапка за преиспитување на законската обврска за плаќање на радио – дифузна такса за да се спречи обврската за плаќање, која се користи за селективно информирање“, се вели во соопштението на СОНК.