Синдикатот за образование, наука и култура останува на најавите за генерален штрајк в понеделник, но притоа нема да ја има поддршката на пожарникарите, земјоделците и поштарите, кои се членови на истата Конфедерација на слободни синдикати (КСС). Тие денедска се изјаснија дека нема да се приклучат на протестот, бидејќи заради штрајкот најголема штета ќе претрпат учениците и целокупниот образовен процес. Слично како и Владата, сметаат дека целта на штрајкот е раководството на СОНК да ги задржи своите позиции. Претседателот на СОНК Јаким Неделков е категоричен дека и без оваа поддршка генералниот штрајк на просветните работници ќе се одржи во закажаниот термин на 29 септември.