Преку соопштение денеска се огласи Сојузот на борците на Македонија кој оценува дека Македонија во моментов ја ја доживува најголемата политичка криза од постоењето на слободната македонска држава.

- Обелоденетиот податок за прислушување на над 20.000 граѓани (сеедно од кого било) е најголем удар на човековите права и слободи во земјава и укажува на целосен распад на безбедносниот систем на државата, се вели во соопштението од седницата на Главниот одбор на Сојузот на борците од НОАВМ 1941-1945.

„Најнеопходно насочување на сите општествени сили и творечка енергија во земјава за надминување на состојбите, примерно санкционирање на виновниците, реафирмирање на демократските вредности на правната држава и натамошен развој на Република Македонија“, сметаат од Сојузот на борците.