„Со оваа власт одиме во пропаст!" е слоганот на денешниот протест.

Граѓани и попладнево се собираат пред СЈО за нов протест. Запалени се фотографии од Никола Груевски, Ѓорѓе Иванов, Трајко Вељаноски, Митко Чавков и Јелена Жугиќ пред протестот.

„Нема да дозволиме ни да избегаат со украденото, а уште помалку да останат во земјата несоочени со правда. Нема да дозволиме повторно заташкување на ситуацијата и губење на уште една година во реформи од типот „едно напред, три назад“ - пишуваат од „Протестирам“ на Фејсбук.

На својот профил на Твитер, од „Протестирам“ ги информираат демонстрантите кои се нивните права ако бидат повикани на информативен разговор.

Во Скопје се протестира седма недела, а протести има и во помалите градови во Македонија.