Шест маркетинг агенции ќе учествуваат во проектот за осмислување и реализација на кампања за промоција на активностите за реформата на јавната администрација во Република Македонија. Владата склучи едномесечни договори со маркетинг агенции од земјава кои осмислуваат и ќе треба да реализираат кампања за промоција на активностите за реформата на јавната администрација. Најголем дел од целата набавка е за изработката на идејни решенија за знак/лого,  за ТВ и радио спотови, за постери, налепници и за изработка на принт огласи, како и да го осмисли надворешното рекламирање (мегалајти, билборди и автобуси) и да направи адаптација за внатрешното рекламирање (лифтови, влезови и слично). Квалитетот на јавната администрација е еден од приоритетите на Владата.  За успешно функционирање на јавната администрација таа го креираше проектот Е-влада, односно е-администрација.