Повеќе од стотина луѓе се евакуирани од своите домови во Албанија додека снежните врнежи и силните ветрови го блокираа сообраќајот ширум регоинот, јавува агенцијата АП.

Албанската полиција соопшти дека една жена е удавена а повеќе од 600 семејства се евакуирани на југот на Албанија бидејќи нивните домови се поплавени и дека во поплавите настрадале околу 3.500 грла добиток.

Властите во Словенија и Хрватска го ограничија движењето на камионите поради снегот.

Траектниот сообраќај помеѓу хрватските острови и копно е прекинат поради силни ветрови, а од исти причини и словенечкото пристаниште Копар е затворено.

Училиштата во западна Босна се затворени поради снег, а неколку илјади домаќинства останале без струја бидејќи снегот соборил неколку далеководи.

Градските власти во босанска Градишка соопштија дека пет сантиметри снег паднале за помалку од пет минути денеска.