Во текот на ноќта се евакуирани сите патници кои беа блокирани од снежнитѕе наноси на автопатот кај Фикетиќ,  но еден бугарски шлепер, и покрај забраната, влегол на локалниот пат Бачка Топола – Суботица, се превртел и направи застој, по што 100 возила се заробени, јавува Танјуг, повикувајќи се на информации од српското Министерство за внатрешни работи. Според изјавите на Началникот на Управата за противпожарно-спасувачката единица на Секторот за вонредни ситуации Горан Николиќ 40 возила останале на автопатот Нови Сад – Суботица кај Фикетиќ, но се работи на тоа денеска да бидат деблокирани сите возила. - Дел од патниците се евакуирани, а ќе бидат згрижени и оние кои не сакале да ги напуштат возилата, прецизира Николиќ, дополнувајќи дека на патот сега се очекува простигнување на тешка механизација која ќе го отстрани шлеперот. Според него важно е да се издржи уште денеска, бидејќи за утре се очекува намалување на јачината на ветрот.