Сметка од едно кафуле во Цриквеница објавена на социјалните мрежи, на која се гледа дека Кока-Кола од 0,25 литри чини четири евра, предизвика лавина од коментари, со оглед на тоа што е март, а туристичката сезона не е почната.

Објавата на социјалната мрежа Reddit предизвика стотици коментари од цела Хрватска, што покажува дека високите цени не се ограничени само на хрватското крајбрежје.

Иронично, еден човек предвиде дека до летото цената ќе скокне на шест евра и додаде дека сметката од 7,20 евра, за кафе и кока-кола, ја платил со банкнота од десет евра со коментар „добро е“, што, вели тој, е неговиот вообичаен начин да покаже дека „нема повторно да седи таму во животот“.

Меѓу коментарите беше и тој на човек од Сплит, каде на некои локации кока-кола чини 4,5 евра, додека еден корисник ја спомена и цената од 5 евра во Слано.

Дискусијата се прошири и на маргините на угостителите, каде што еден корисник пресметал дека цената на пијалоците во кафуле е до четирипати повисока од купената во продавница, а покрај тоа, угостителот добива поврат на парите за пакувањето, пренесува Каматица. 

foto Wikipedia/János Korom Dr.