Декретот за ограничување на преминот на државната граница, кој се однесува на сите четири соседни земји, ќе биде на сила најмалку до 12 април, рече Алеш Хојс на прес-конференција.

Мерката е донесена пред велигденските празници, кога се очекува поголем прилив на словенечки жители со семејства и роднини на Западен Балкан, каде епидемиолошката состојба е „крајно лоша“, рече словенечкиот министер.

Новите регулативи за влез и излез се однесуваат на сите земји на црвената епидемиолошка листа, вклучително и на сите земји од територијата на поранешна СФРЈ.

Постојат исклучоци

Исклучоците се однесуваат само на патниците во транзит и товарен превоз и случаи на патување за да се отстранат опасностите по животот и здравјето.

Што се однесува до негативниот тест за коронавирус, кој е потребен за влез во Словенија, Хојс рече дека брзите тестови на антиген нема да бидат валидни, туку само молекуларните тестови за ПЦР, и само оние што се прават во Европската унија и Шенген зоната, под услов да не се постари од 48 часа.

Одлуката е донесена поради зголемувањето на бројот на фалсификувани тестови, главно од Северна Македонија и Босна и Херцеговина, рече тој.

Влегување во Словенија од понеделник ќе им биде дозволено на лица кои обезбедуваат докази дека биле тестирани на коронавирус најмалку три недели пред да пристигнат на границата и најмногу шест месеци пред тоа, што значи дека тоа се оние кои преживеале Covid-19 и повеќе имаат имунитет.

Влез ќе им биде дозволен и на оние кои ќе имаат сертификати за вакцинација против ковид-19, со најмалку седум дена од приемот на втората доза на вакцина Фајзер или најмалку 14 дена по приемот на Модерна.

Доколку биле вакцинирани со АстраЗенека, мора да поминале најмалку 21 ден од давањето на првата доза.