Инфлацијата во Велика Британија во јули на годишна база достигна 0,6%, што е највисоко ниво од ноември 2014 година, информира Националната статистичка служба на Обединетото Кралство.

На овој начин, потрошувачките цени во Велика Британија во јули пораснаа за 0.1% во споредба со јуни. Експертите ja објаснуваат оваа динамика на раст со покачувањето на цените на горивата, алкохолните пијалоци и хотелски соби.

Во исто време британските производители почнуваат да го чувствуваат влијанието на „слабата“ фунта по својот циклус на производство и трговија.

Британската национална валута се намалува поради економската несигурност за плановите на земјата да се повлече од Европската унија.

Денес од пораката на агенција Fitch стана јасно дека одлуката на Велика Британија да се повлече од ЕУ може да има долгорочно негативно влијание на станбениот пазар во земјата, но тешко дека ќе доведе до остри намалувања на цените.