Претседателот на Европската комисија (ЕК), Жан-Клод Јункер изјави пред разговорите со грчкиот премиер во Брисел дека е постигнат незначителен напредок за договор меѓу Атина и меѓународните кредитори, соопштуваат „Ројтерс“ и „Франс прес“.

Тој истакна дека ќе направи нови „предлог“ пред Алексис Ципрас, кои ќе помогнат за надминување на разликите.

Истакнувајќи дека секој договор зависи од другите влади во еврозоната, Јункер изјавил: „Не сум задоволен од развојот во последниве недели. Не верувам дека сме постигнале значаен напредок“.

Јункер, во присуство на грчкиот премиер Ципрас, изјавил пред новинарите дека е „оптимист“. „Целосно го исклучувам неуспехот. Не сакам неуспех. Сакам европејците да се обединети. Не е време за поделба. Сега е време да одиме заедно напред“, повика шефот на ЕК.

Според Јункер Ципрас е „проевропски настроен“.

Вчера Ципрас ја искористи посетата во седиштето на Организацијата за економска соработка и развој во Европа во Париз, за да ги увери меѓународните партнери дека земјата ќе ги исполни своите обврски.

„Нема место за грижи. Дури и при проблемите со исплатата на придонесите на долгот, Атина ќе го почитува договореното“, изјавил Ципрас .