Панос Скурлетис, еден од најистакнатите членови на Сириза и министер за внатрешни работи на Грција, упати директни пораки до неговиот колега Каменос, министерот за одбрана и предводник на партијата Независни Грци да ја поддржи официјалната позиција на грчката влада што е негова обврска. 

„Како министер за одбрана, тој има должност да ја брани едната и единствена позиција која ја претставува владата“, посочи  Скурлетис во интервју за Антена ТВ.

Бидејќи ова не е прашање од дневната политика туку е проблем кој ја измачува Грција веќе 25 години, Скурлетис смета дека сите политички партии кои се дел од владата треба да работат заедно за решавање на спорот.

„Реакции и протести го поткопуваат процесот на преговори. Ако ние не сакаме другата страна да има ирендетистички тендензциии, тогаш не треба да имаме ни ние“ рече Скурлетис за протестите во Солун.