Основното училиште ,,11 Октомври” во кое се затруја 40 деца останува затворено се додека не се открие изворот на заразата. Неизвесно е дали од понеделник ќе се одржи настава.

„Се додека не се добијат резулатите од сите анализи на водата и воздухот и не се најде изворот на заразата школото ќе биде затворено, се во интерес на здравјето на децата“, изјави портпаролот на општина Центар Катерина Цаневска.

Резултатите од испитувањето покажаа дека водата е исправна и нема недозволени количини и метали.

Сега се чекаат наодите од бактеролошките испитувањата кои треба да покажат дали има некоја бактерија во водата и воздухот што би можела да биде причина за труењето.

Инаку, група родители вчера упаднаа во училиштето и се расправаа со директорката.

Бараа објаснување за труењето на нивните деца и рекоа дека секоја гадина мака мачат со условите во училиштето. Се пожалија дека веќе трета година нема вода во училниците, од кои пак се ширела неподнослива реа.