Скокнаа цените на угостителските услуги - што се поскапе?
Индексот на цените на угостителските услуги во април 2017 година, во споредба со март 2017 година, е зголемен за 0.8%.
Овие податоци ги објави денеска Државниот завод за статистика.
Споредено по групи на услуги, зголемување е забележано во групите храна за 0.1%, безалкохолни пијалаци за 0.7% и ноќевања за 3.1%, додека во групата
алкохолни пијалаци има намалување за 0.2%.
Индексот на цените на угостителските услуги во април 2017 година, во однос на истиот месец од претходната година, е зголемен за 1.0%.
Кумулативниот индекс на цените на угостителските услуги за периодот јануари-април 2017 година, во однос на истиот период од минатата година, е зголемен за 0.5%, додека во однос на декември 2016 година е зголемен за 0.1%.
Според податоците на Државниот завод за статистика, индексот на цените на угостителските услуги во март 2017 година, во споредба со февруари 2017 година, е зголемен за 0.1%. Споредено по групи на услуги, зголемување е забележано во групите храна за 0.2% и безалкохолни пијалаци за 0.1%, додека во групата алкохолни пијалацие забележано намалување за 0.4%.
Слично
Поврзани вести
