Индустриските производи поскапеа. 

Нивните цени во декември лани биле повисоки за 16,5 отсто на годишно ниво.  За еден месец има поскапување, а ако споредиме за година дена претходно, поскапувањето е уште поголемо.  Ако споредиме со декември 2020 година,  продажните цени на производителите на индустриски производи, вкупно, се повисоки во секторот Рударство и вадење на камен за 21 процент. Понатаму,  во Преработувачка индустрија има пораст  на цените за 14,6 проценти и во секторот Снабдување со електрична енергија, гас, пареа и климатизација за 41,5 проценти. Во декември 2021, во споредба со еден месец претходно, продажните цени на производителите на индустриски производи,  се повисоки во секторот Рударство и вадење на камен за два процента. Статистиките покажуваат дека во секторот Преработувачка индустрија за 0,7 проценти и во секторот Снабдување со електрична енергија, гас, пареа и климатизација растот е за 3,9 проценти. Податоците денеска ги објави Државниот завод за статистика. Инаку, во земјава има бран поскапувања во повеќе сектори.