Според податоците на Државниот завод за статистика, во февруари 2018 година, продажните цени на производителите  на индустриски производи на странските пазари се повисоки за 2.3 % на месечно ниво, а за 6.0 % на годишно ниво. 

Во февруари 2018, во споредба со јануари 2018 година, продажните цени на производителите на индустриски  производи на странските пазари се повисоки во секторот Рударство и вадење на камен за 8.1 %, а во секторот  Преработувачка индустрија за 1.7 %.  Во февруари 2018, во споредба со февруари 2017 година, продажните цени на производителите на индустриски  производи на странските пазари се повисоки во секторот Рударство и вадење на камен за 35.7 %, а во секторот  Преработувачка индустрија за 3.2 %.

Сепак, продажните цени на производителите  на индустриски производи, ако се гледаат вкупно, се повисоки за 1.5 % на месечно ниво, или за 4.1 % на годишно ниво.