Кривичниот совет на Одделението за организиран криминал и корупција при Основен суд Скопје 1  - Скопје ја одби жалбата на СЈО .

Имено, специјалните јавни обвинителки бараа да се одредат мерки на претпазливост за екс министерката Гордана Јанкулоска

Јанкулоска е осомничена во случајот „Тврдина“, а одбиената жалба значи дека  нема да и биде одземен пасошот и нема да има обврска секоја недела да се јавува во судот.

Во образложението на Кривичниот совет стои дека  жалбата на СЈО се одбива како неоснована, а решението на судија на претходна постапка се потврдува.

Екс министерката Јанкуловска се товари во случајот за незаконското уништување на опрема за прислушување познат како „Тврдина„ кој го отвори Специјалното обвинителство (СЈО).