Од Специјалното јавно обвинителство денеска соопштија дека стојат зад идејата за формирање на специјални одделенија.

Додаваат дека тоа ќе биде ефикасно и ќе ги забрза истражните постапки за предметите што ги водат.

„Сметаме дека евентуалното формирање на специјални одделенија е целисходно, меѓутоа нашата работа е да спроведуваме независни истраги и поради тоа не би се впуштале во натамошни коментари“– велат од СЈО.

Лидерот на ВМРО-ДПМНЕ, Никола Груевски денеска категорично кажа дека нема да прифати формирање на специјални одделенија.

За Груевски неприфатлив е и предлогот за продолжување на мандатот на СЈО, затоа што тоа не било предвидено во Пржинскиот договор.