Непријатно изненадување ги дочека утринава вработените во Телевизија Сител.

Шарените револуционери по полноќ ја посетиле оваа телевизија каде, како што може да се забележи од фотографиите на социјалните мрежи е фрлено боја на објектот каде е сместена.

Имено, протестите на „Протестирам“ продолжија и вчера вечерта во главниот град и во градовите ширум земјава повикувајќи на итно укинување на одлуката на претседателот Иванов да ги аболицира сите кои се опфатени од истрагата поради аферата Прислушување..

Демонстрантите палеа фотографии на сегашните и поранешни претставници на официјалната влада, вклучувајќи го и актуелниот шеф на државата.

Во Скопје демонстрантите, како и обично, се собраа пред Специјалното јавно обвинителстви, изразувајќи и поддршка на таа институција.

Тие побараа неотповиклива оставка од претседателот на владата составена од ВМРО-ДМПНЕ и ДУИ, како и формирање на нова влада со стриктен мандат.

Мета на вчерашниот протест наречен „Шарена револуција“ беше зградата на парламентот која демонстрантите ја гаѓаа со боја.

Протести имаше и во Струмица, Виница, Куманово  и Крива Паланка.

ФОТО: Плусинфо