Форбс Монтенегро пишува дека руски јахти ја окупираа Црна Гора.

Од вкупниот број регистрирани јахти во државата, најголем дел се во сопственост на Руси, 118, а зад нив следат граѓаните на Србија со 117, покажуваат најновите податоци на Управата за поморска безбедност и управување со пристаништа.

Од Управата за катастар и државен имот изјавија за Форбс Монтенегро дека не знаат дека има руски државјани кои се под санкции меѓу сопствениците на јахти во Црна Гора. Во регистарот на јахти до август годинава се регистрирани вкупно 419 јахти, од кои 48 се на црногорски државјани. Во регистарот на Управата за поморска безбедност и управување со пристаништа има 13 јахти од БиХ. Меѓу руските сопственици на јахти нема компании, односно сите се регистрирани на физички лица.

Во Црна Гора се регистрирани пет јахти од Белорусија, а од Украина 16. Три јахти се регистрирани од Хрватска. Во извештајот за работа на Управата за поморска безбедност за 2022 година, стои дека вкупниот надоместок за запишување на јахти во регистарот е 38.823 евра.

Стан и дел од подрум е имотот што го замрзнала Црна Гора од воведувањето санкции против Русија.

foto freepik.com