Дел од медиумите не се придржуваат до принципите на професионално, објективно, точно, избалансирано и непристрасно информирање. Ова е заклучокот на Советот за етика во медиумите, од каде потенцираат дека Повелбата за етичко известување за изборите ја потпишале повеќе од 90 медиуми. Некои од новинарите и понатаму се во служба на политичарите или други центри на моќ. „Трендови на фаворизирање и демонизирање на политички субјекти, пропагандистичко информирање, уреднички манипулации и ставање на стари изјави во некои нови контексти“ - изјави  Марина Тунева, директор на Советот. Советот за етика во рок од месец дена доби повеќе од 20 жалби против некои медиуми и национални телевизии. „Во 11 случаи станува збор за неточно, нефер известување, нарушување на приватноста и клевети, во 6 случаи за нефер и неточно информирање“ - вели Мирче Адамчевски, претседател на Комисијата за жалби. На новинарите им порачаа да ја кажуваат вистината и да известуваат избалансирано.