Претседателот на сиромашната централноамериканска држава Ел Салвадор, Наијб Букеле, во средата помина еден ден на Твитер, обезбедувајќи техничка помош за жителите, откако биткоинот стана валута во таа земја, што е првпат една земја да го стори тоа.

Преземајќи го јазикот на одделите за ИТ во компаниите ширум светот, 40-годишниот претседател побара од корисниците да ја рестартираат апликацијата доколку се појави пораката „во моментов се одржува“.

Историското усвојување на биткоинот како валута во таа централноамериканска земја беше придружено со технички проблеми што ја намалија вредноста на таа криптовалута во светот.

Биткоинот продолжи да паѓа и во средата, по падот од 1,7 проценти, на 46,385 долари по хрватско време во 18:30 часот.

Владата на Букеле донесе закон според кој сите гранки во земјата мора да го прифатат биткоинот како валута. Граѓаните можат да платат и во американски долари, национална валута од 2001 година, пишува Фајненшел тајмс.

Младиот претседател одлуката, донесена и спроведена за само 90 дена, ја оправдува со тврдењето дека ќе ги зголеми инвестициите во државата и ќе го подобри пристапот до финансиски услуги.

Ел Салвадор купи 400 биткоини претходниот ден, и уште 150 во средата, така што во моментов поседува 550, објави Букеле.

Во изминатите 36 часа, тој твитуваше граѓаните како да ја преземат апликацијата Чиво, именувана по локалниот сленг за зборот „кул“, која овозможува трансфер на пари без провизии, и за која владата се надева дека ќе ја преземат оние што немаат банкарски сметки.

Во текот на ноќта, апликацијата беше исклучена по втор пат за „да го подобри корисничкото искуство и да ги поправи проблемите што ги имаше во текот на денот“.

Се надеваме дека утре ќе биде подобро, напиша Букеле.

Неговата влада планира да потроши повеќе од 225 милиони долари за воведување биткоин, и секој граѓанин што ќе го преземе Чиво ќе добие биткоин во вредност од 30 долари.