Силен земјотрес со интензитет од 5,3 степени по Рихтер, ја погоди утринава Атина, тој бил проследен со бројни потреси, најголемите од кои биле со сила односно 3.8 и 3.3 степени по Рихтер регистриран во 5.31 часот по локално време, соопштуваат грчките медиуми.

Земјотресот во 4.09 часот бил на 77 километри северозападно од Атина и на 26 километри северозападно од Халкида. Земјотресот со јачина од 5,3 степени по Рихтер бил на длабочина 13 километри.

Во моментов не нема информации за жртви и причинета материјална штета. Грчките сенизмолози сепак се воздржуваат да направат конечни заклучоци.

Според жители на Халкида потресот бил со големо времетраење и бил почувствуван силно, бидејќи неговиот епицентар се наоѓал само на 26 километри од градот.

Медиумите објавиле уште дека во 01.20 часот по полноќ земјотрес со интензитет од 4 степени според Рихтеровата скала бил регистриран во реонот на островот Крит.